Jalgaon Crime News : पिंपळगाव हरेश्वर (ता. पाचोरा) पोलिसांत अल्पवयीन बालिकेच्या विनयभंगप्रकरणी गावातीलच एका तरुणाविरूद्ध गुन्हा दाखल करण्यात आला आहे. (case registered against young man for molesting minor girl jalgaon crime news)

पिंपळगाव हरेश्वर पोलिस ठाण्याच्या हद्दीतील एका गावात १३ वर्षीय अल्पवयीन मुलगी घरात एकटी असताना गावातीलच तरुणाने घरात घुसून मी तुला साप दाखवतो, असे सांगून बरणीतील साप काढून दाखवला व घरातले लोक बाहेर गेल्याचे पाहून मुलीकडे पाणी मागितले.

हेही वाचा : Credit Card फसवणूक....काय घ्याल काळजी?

मुलीने पाणी दिले. त्यावेळी तिचा हात धरत फ्रेंडशिप करण्याची गळ घालत लज्जास्पद वर्तन केले. त्यामुळे मुलगी प्रचंड घाबरली व स्वतःची सुटका करत बाहेर आली.

घरच्यांना हा प्रकार सांगितल्यानंतर या तरुणाविरुद्ध पोलिसात तक्रार देण्यात आली. त्या आधारे गुन्हा दाखल करण्यात आला असून, सहायक पोलिस निरीक्षक महेंद्र वाघमारे तपास करीत आहेत.