Jalgaon Crime News : एमआयडीसी पोलिस ठाण्याच्या हद्दीतील अट्टल गुन्हेगार आकाश भास्कर विश्वे (वय ३४, रा. भगवा चौक सुप्रिम कॉलनी) यास दोन वर्षासाठी जिल्ह्यातून हद्दपार करण्यात आले आहे. (criminals exiled for two years Jalgaon Crime News)

त्याच्याविरुद्ध खुनाचा प्रयत्न, जबर दुखापत, प्राणघातक हल्ले अशा स्वरूपाचे तब्बल आठ गुन्हे दाखल असून यापूर्वी (वर्ष-२०१६) मध्ये त्याला एक वर्षासाठी हद्दपार करण्यात आले होते. हद्दपार करूनही विश्वे याच्या गुन्हे करण्याचा कित्ता सलग सुरुच होता.

परिणामी एमआयडीसी पोलिसांनी हद्दपारी प्रस्ताव तयार करून तो जिल्‍हाधिकारी कार्यालयात रवाना केला हेाता. प्रांताधिकारी महेश सुधाळकर यांच्या समक्ष सुनावणी होवुन संशयित आकाश भास्कर विश्वे यास दोन वर्षांकरिता हद्दपार करण्यात आले आहे.

उपविभागीय पोलिस अधिकारी संदीप गावित, निरीक्षक जयपाल हिरे यांच्या पथकातील सहाय्यक फौजदार अतुल वंजारी, गणेश शिरसाळे, निलोफर सय्यद, सचिन पाटील, योगेश बारी, साईनाथ मुंडे, नरेंद्र मोरे अशांच्या पथकाने त्यास ताब्यात घेत हद्दपार कालावधी पूर्ण करण्यासाठी छत्रपती संभाजीनगर जिल्ह्यात सोडण्यात आले.