जळगाव : शहरातील मध्यवर्ती बाजारपेठ असलेल्या फुले मार्केट परिसरात खरेदीसाठी आलेल्या महिलेच्या पर्समधून पाच ग्रॅम सोन्याचे दागिने, २० हजार ९०० रुपयांची रोकड चोरट्यांनी लंपास केली. शहर पोलिस ठाण्यात या प्रकरणी गुन्हा दाखल झाला आहे.

ललिताबाई पीतांबर राठोड (वय ५५) कासमवाडी येथे कुटुंबीयांसह राहतात. दसऱ्याच्या खरेदीसाठी त्या मंगळवारी (ता. ४) दुपारी चारला खरेदीसाठी बाजारात आल्या होत्या.(Dasara Festival News women Purse Theft in Shopping Market Jalgaon News)

बाजारातून खरेदी करून फुले मार्केटमधील एका दुकानाच्या बाजूला उभ्या असताना चोरट्यांनी त्यांच्या पर्समधून २० हजार ९०० रुपयांची रोकड, सोन्याचे दागिने व इतर सामान नेले. या संदर्भात त्यांनी सायंकाळी सहाला जळगाव शहर पोलिस ठाण्यात तक्रार दिली असून, चोरट्यांवर गुन्हा दाखल झाला आहे. पोलिस नाईक योगेश बोरसे तपास करीत आहेत.