Jalgaon News : शहरातील गुजराथी गल्लीमधील दुकानाच्या तळमजल्यावरील औषधांच्या गुदामाला शुक्रवारी (ता. ५) दुपारी साडेबाराच्या सुमारास भीषण आग लागली. या आगीमध्ये लाखो रुपयांचा माल खाक झाला आहे. (Drug warehouse fire destroys goods worth lakhs jalgaon news)

जिल्हापेठ भागातील गुजराथी गल्लीमध्ये सूरज एजन्सी फार्मास्युटिकल्स ॲन्ड डिस्टीब्युटर्स नावाने दुकान आहे. या दुकानाच्या तळमजल्यावर औषधांचा साठा असलेले गुदाम आणि कार्यालय असून, शुक्रवारी हे गुदाम बंद असताना, अचानक आग लागली. एजन्सीतील सहकारी धनंजय बारी यांच्या लक्षात आल्यानंतर त्यांनी तत्काळ अग्निशमन दलाचे अधिकारी शशिकांत बारी यांना माहिती दिली.

हेही वाचा : संतुलित आहारातून रोखा फॅटी लिव्हरचा आजार

त्यानंतर अग्निशमन दलाच्या चार बंब घटनास्थळी दाखल झाले. दीड ते पाऊण दोन तासांच्या अथक प्रयत्नानंतर अग्निशमन दलाच्या जवांना आगीवर नियंत्रण मिळविण्यात यश आले. मात्र, या आगीत लाखो रुपयांचा माल खाक झाला.

यांच्या प्रयत्नांनी नियंत्रण

अग्निशमन दलाचे देविदास सुरवाडे, संजय भोईटे, प्रकाश कुमावत, युसूफ पटेल, रवींद्र सपकाळे, रोहिदास चौधरी, तेजस जोशी, दिलीप पवार, गिरीश खडके, राजेंद्र रानवडे, सरदार पाटील, परमेश्वर सोनवणे आदी जवानांनी परिश्रम घेतले.