Jalgaon News: महापालिकेच्या घरपट्टी थकबाकीदार असलेल्या पाच मिळकतधारकांचे नळकनेक्शन मंगळवारी (ता. २६) बंद करण्याची कारवाई वसुली पथकाने केली. (Due to housing arrears 5 taps have been closed jalgaon news)

महापालिकेतर्फे घरपट्टी थकबाकीदारांना व्याज व दंड माफीची अभय शास्ती योजना ३१ डिसेंबरपर्यंत लागू करण्यात आली आहे. त्याला चांगला प्रतिसाद मिळत असताना काही थकबाकीदारांच्या विरोधात कारवाई सुरू ठेवण्यात आली आहे.

थकबाकी न भरणाऱ्या पाच जणांचे नळकनेक्शन बंद करण्यात आले. अभय शास्ती योजनेतर्गंत नागरिकांनी मंगळवारी (ता. २६) भरणार करण्यात आला. तेरा लाख रुपये वसूल करण्यात आले. नागरिकांनी आपल्या घरपट्टीची थकबाकी तत्काळ भरून कारवाई टाळावी, असे महापालिकेचे उपायुक्त गणेश चाटे यांनी सांगितले.