Devendra Fadnavis : विरोधक कुठेही विकास, प्रगतीच्या विषयावरून एकत्र आलेले नाही. केवळ आपला भ्रष्टाचार उघड होईल म्हणून मोदींविरोधात ते एकत्र येत आहेत.

मात्र त्याचा फारसा उपयोग होणार नाही, असा दावा उपमुख्यमंत्री देवेंद्र फडणवीस यांनी आज येथे केला. (Fadnavis verbal attack on opponents jalgaon news)

‘शासन आपल्या दारी’ अभियानांतर्गत जळगावात जिल्हास्तरीय कामासाठी फडणवीस आले होते. कार्यक्रम सुरू होण्याआधी माध्यमांशी संवाद साधला. देशभरात नरेंद्र मोदींविरोधात विरोधी पक्ष एकत्र येत असल्याच्या मुद्द्यावर फडणवीस यांनी हे उत्तर दिले.

श्री. फडणवीस म्हणाले, की जमिनीच्या व्यवहारात तोंड काळे झाले नसते तर खडसेंवर आम्हाला काळे झेंडे दाखविण्याची वेळ आली नसती.

हेही वाचा : Credit Card फसवणूक....काय घ्याल काळजी?

त्यांनी सध्या मालक बदललेला आहे, त्यामुळे त्यांना दाखविण्यासाठी असे प्रकार ते करत असतील.

आम्ही लोकांमध्ये राहणारी लोक आहोत. त्यांच्या कामासाठी म्हणून आलोय. जनता आमच्यासोबत असल्याने आम्ही अशा आंदोलनांना घाबरत नसल्याचे स्पष्ट केले.