Jalgaon Crime News : नोकरी करण्यासह माहेरहून नवीन घर खरेदीसाठी ३० लाख रुपयांची मागणी करत विवाहितेला बेदम मारहाण, दमदाटी करण्यात आली. (Harassment of married woman for 30 lakhs jalgaon crime news)

जोशी कॉलनीतील प्रियंका सचिन पानसरे (वय ३३) यांचा विवाह राहता येथील सचिन अरुण पानसरे यांच्याशी झाला आहे.

विवाहितेने नोकरी करावी, तसेच नवीन घर घेण्यासाठी माहेरहून ३० लाख रुपये आणावेत, अशी मागणी पतीने केली. विवाहितेने पैसे आणले नाहीत, म्हणून तिला वेळोवेळी बेदम मारहाण व शिवीगाळ केली.

हेही वाचा : Credit Card फसवणूक....काय घ्याल काळजी?

दमदाटी करून छळ केला, तसेच सासू, सासरे आणि दीर यांनी पैशांसाठी विवाहितेला मानसिक त्रास दिला. त्रासाला कंटाळून विवाहिता माहेरी निघून आल्या.

याबाबत प्रियंका पानसरे यांनी दिलेल्या फिर्यादीवरून पती सचिन पानसरे, सासू सुमन पानसरे, सासरे अरुण पानसरे आणि दीर सागर पानसरे यांच्याविरोधात रामानंदनगर पोलीस ठाण्यात गुन्हा दाखल झाला. पोलिस नाईक सुनील सोनार तपास करीत आहे.