Jalgaon News : विदगाव- तुरखेडा (ता. जळगाव) शिवारात कौटुंबिक वादातून पत्नीला लाथाबुक्क्यांनी बेदम मारहाण केल्याची घटना घडली. या प्रकरणी शुक्रवारी (ता. १२) रात्री नऊला जळगाव तालुका पोलीस ठाण्यात गुन्हा दाखल करण्यात आला. (husband beating wife brutally jalgaon crime)

विदगाव तुरखेडा शिवारात गणेश त्र्यंबक कोळेकर पत्नी शाहुबाई यांच्यासोबत वास्तव्याला आहे. शाहूबाई यांच्या भावाच्या ११ वर्षीय मुलाचे गुरूवारी (ता. ११) अचानक निधन झाले. त्यासाठी शाहूबाई या मयताच्या ठिकाणी जात असताना पती गणेश याने जावू न देण्याच्या कारणावरून वाद घालत शिवीगाळ व लाथा-बुक्क्यांनी बेदम मारहाण केली.

हेही वाचा : Credit Card फसवणूक....काय घ्याल काळजी?

या मारहाणीत शाहूबाई गंभीर जखमी झाल्या. याप्रकरणी शाहूबाई कोळेकर यांनी तालुका पोलीस ठाण्यात धाव घेवून तक्रार दिली. त्यावरून गणेश कोळेकर याच्या विरोधात गुन्हा दाखल झाला असून, हेड कॉन्स्टेबल बापू कोळी तपास करीत आहेत.