चोपडा : वढोदा (ता. चोपडा) येथील नरेंद्र छगन पाटील हे अवैधरीत्या २९ गॅस सिलिंडरचा बेकायदेशीररीत्या साठा करून विना परवानगी गॅसची विक्री करीत असल्याची गोपनीय माहिती ग्रामीण पोलिसांना मिळाली होती. त्या माहितीनुसार शुक्रवारी (ता. २४) पोलिसांनी सापळा रचून कारवाई केली.
पोलिसांना मिळालेल्या गुप्त माहितीनुसार तालुक्यातील वढोदा येथे नरेंद्र छगन पाटील (रा. वढोदा) याने स्वतःच्या फायद्यासाठी दैनंदिन जीवनासाठी आवश्यक असलेले २९ गॅस सिलिंडर (भरलेले) अवैधरीत्या साठवणूक केली आहे.
साठवणूक केलेल्या गॅस सिलिंडर टाक्यांमधून (टाटा एसीई क्रमांक एमएच १८, एए ५१८१) विक्री करताना आढळून आले. या सर्व टाक्या व वाहनासह २ लाख २८ हजार रुपयांचा मुद्देमाल पोलिसांनी जप्त केला.
मानवी वस्ती असलेल्या ठिकाणी उघड्यावर बेकायदेशीर साठवणूक करून लोकांना धोका निर्माण होईल, मानवी जीवन धोक्यात येईल, अशा पद्धतीने निष्काळजीपणे ठेवलेल्या असताना गॅस सिलिंडर टाक्या मिळून आल्यात म्हणून पुरवठा तपासणी अधिकारी देवेंद्र नेतकर यांच्या फिर्यादीवरून ग्रामीण पोलिसात गुन्हा दाखल करण्यात आला आहे.
ही कारवाई पोलिस निरीक्षक कावेरी कमलाकर, उपनिरीक्षक अमरसिंग वसावे, पोलिस कर्मचारी राजू महाजन, सुनील कोळी, युसूफ शेख आदींनी कारवाई केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.