Jalgaon Market Committee Election : कृषी उत्पन्न बाजार समितीच्या संचालक मंडळाच्या निवडणुकीसाठी ग्रामपंचायत अनुसूचित जाती-जमाती व सर्वसाधारण प्रवर्गातून निकिता मोतीलाल ऊर्फ मुकेश सोनवणे यांनी शेतकरी असल्याचा दाखला सादर केल्यामुळे जिल्हा निबंधकांनी त्यांचा उमेदवारी अर्ज मंजूर केला आहे. त्यामुळे त्यांचा निवडणूक लढण्याचा मार्ग मोकळा झाला आहे. (Jalgaon Market Committee Election Nikita Sonavane application approved jalgaon news)

जळगाव बाजार समितीच्या संचालक मंडळाच्या निवडणुकीत ग्रामपंचायत अनुसूचित जाती-जमाती व सर्वधारण प्रवर्गातून देऊळवाडे येथील लोकनियुक्त सरपंच निकिता सोनवणे यांनी उमेदवारी अर्ज दाखल केला होता.

मात्र ५ एप्रिलला छाननीदरम्यान शेतकरी असल्याचा दाखला जोडला नसल्याने त्यांचा उमेदवारी अर्ज नामंजूर करण्यात आला होता. त्याबाबत त्यांनी जिल्हा उपनिबंधकांकडे अपील दाखल केले होते. या अपिलावर बुधवारी (ता. १२) सुनावणी झाली.

हेही वाचा : What Is Moksha: ‘अण्णा तुमच्या गुरूला मिळाला का मोक्ष?’

त्या वेळी निकिता सोनवणे यांनी शेतकरी असल्याचा तहसीलदारांचा दाखला सादर केला. त्यामुळे त्यांनी उमेदवारी अर्ज आवश्‍यक त्या कागदपत्रांसह दाखल केल्याचे स्पष्ट झाल्याने जिल्हा उपनिबंधक संतोष बिडवई यांनी त्यांचा उमेदवारी अर्ज मंजूर झाल्याचे जाहीर केले. त्यामुळे त्यांचा निवडणूक लढण्याचा मार्ग मोकळा झाला आहे.