Jalgaon News : शहरासह जिल्ह्यात पावसाने गेल्या दोन दिवसांपासून जोर वाढविला आहे. कधी जोरात, तर कधी पावसाची रिपरिपीने जनजीवन विस्कळित झाले आहे. पिकांच्या वाढीसाठी हा पाऊस चांगला असल्याचे शेतकरी सांगतात. सोबतच धरणातील पाणीसाठ्यातही वाढ होण्यास मदत होणार आहे. मंगळवार (ता. २३)पासून पावसाची अंतराअंतराने रिपरिप सुरू आहे. (rain has increased in district)

बुधवारी (ता. २४) सकाळपासून पावसाचा जोर वाढला आहे. जोरदार पावसाने अनेक खोलगट भागात पाणी साचल्याने वाहनधारकांसह नागरिकांचे हाल होत आहेत.

रस्त्यांची लागली वाट

दोन दिवसांपासून रिपरिपने शहरासह महामार्गावरील रस्त्यांवर मोठमोठे खड्डे पडले आहेत. पाणी साचल्याने खड्ड्यांचा अंदाज न आल्याने वाहनधारकांची वाहने खड्ड्यात अडकून पडल्याच्या घटना घडत आहे. सार्वजनिक बांधकाम विभाग, राष्ट्रीय महामार्गा प्राधिकरणाने रस्त्यावरील खड्डे बुजवावेत, अशी मागणी होत आहे. (latest marathi news)

बाजारात गर्दी कमी

पावसाच्या रिपरिपने बाजारपेठांमध्ये काहीअंशी शुकशुकाट दिसून येत आहे. आवश्‍यक असेल, तरच नागरिक रेनकोट, छत्र्या घेऊन बाहेर पडताना दिसत आहेत. पावसामुळे बाजारात येणाऱ्यांची संख्या कमी झाली आहे.