जळगाव : महापालिकेच्या (Jalgaon Municipal Corporation) अतिक्रमण विभागातर्फे बुधवारी (ता. १८) शहरात अतिक्रमणाविरुध्द (Encroachment) कारवाइ करण्यात आली. चौबे शाळेजवळील झोपड्या हटविण्यात आल्या तर समतानगरातील बांधकाम पाडण्यात आले. (Jalgaon Municipal Corporation take action against Encroachment Jalgaon News)

शहरातील समतानगर भागात एका जागेवर महापालिकेची कोणतीही परवानगी न घेता दुकानाचे बांधकाम करण्यात आले होते. त्याबाबत नगररचना विभागात तक्रार प्राप्त झाली होती, त्यानुसार सुनावणी घेउन नगररचना विभागाने सकारण आदेश अतिक्रमण विभागाला दिले. त्यानुसार ही कारवाई करण्यात आली. अतिक्रमण विभागाचे प्रमुख सुनील ठाकूर यांनी हे सर्व अनधिकृत बांधकाम पाडत कारवाइ केली. शहरातील महात्मा गांधी मार्केट समोरील चौबे शाळेच्या मागील बाजूस अनधिकृत झोपड्या बांधण्यात आल्या होत्या. याच ठिकाणी चार झोपड्या व दोन शौचालय अनधिकृतपणे बांधण्यात आले आहेत. ते काढून घ्यावेत याबाबत नोटीस बजावण्यात आली आहे.