Jalgaon Crime News : शहरातील नवीन बसस्थानकात मंगळवारी (ता. ६) दुपारी बसमध्ये चढताना गर्दीचा फायदा घेऊन चोरट्यांनी पोलिसाच्या पत्नीच्या पर्समधून ४० हजारांचे सोन्याचे दागिने लांबविले. (Jewellery looted from policeman wife purse jalgaon crime news)

शहरातील आशाबाबानगरातील संगीता पाटील यांचे पती पोलिस दलात कार्यरत असून, मंगळवारी (ता. ६) त्या दिराणीसोबत चाळीसगावला जाण्यासाठी नवीन बसस्थानकात आल्या.

जळगाव-चाळीसगाव बसमध्ये चढत असताना, त्यांच्या पिशवीत ठेवलेल्या हॅण्ड पर्सच्या चैनमधून चोरट्यांनी ४० हजारांचे सोन्याचे दागिने लांबविले.

हेही वाचा : Credit Card फसवणूक....काय घ्याल काळजी?

बसमध्ये चढल्यानंतर त्यांना पर्स अर्धवट उघडलेली दिसली. त्यांना पर्समध्ये ठेवलेली दागिन्याची डबी मिळाली नाही. त्यांनी कंडक्टरला घटनेची माहिती दिली.

त्यांनीही बसमध्ये डबीचा शोध घेतला. सोन्याची डबी न मिळाल्याने संगीता पाटील काव्यरत्नावली चौकात उतरल्या. याबाबत त्यांनी दिलेल्या फिर्यादीवरून जिल्हापेठ पोलिसांत गुन्हा दाखल झाला आहे.