Goverment Help
Goverment Help  esakal
जळगाव

Jalgaon News : करंजी पूरग्रस्त अद्यापही मदतीपासून वंचित

सकाळ वृत्तसेवा

पारोळा : ऑगस्ट महिन्यात झालेल्या ढगफुटीमुळे करंजी येथील शिवारात पाणी शिरल्याने तब्बल ४० ते ४५ घरे जमीनदोस्त झाली होती. त्यामुळे ते कुटुंब रस्त्यावर आले होते. ढगफुटीचे पाणी शेतात शिरल्याने लागवडीचे क्षेत्र पूर्णतः पाण्याखाली आले होते. त्याचा पंचनामा करण्यात आला होता. मात्र, त्यावेळी तुटपुंजी मदत पूरग्रस्तांना मिळाली होती.

चार महिने उलटूनही पूरग्रस्तांना भरीव मदत न मिळाल्याने पूरग्रस्तांची उपेक्षा होत असून, नूतन जिल्हाधिकाऱ्यांनी पूरग्रस्तांच्या भावना समजून त्यांना शासकीय मदत मिळवून द्यावी, अशी मागणी करंजी येथील सरपंच भय्यासाहेब रोकडे पाटील यांनी केली आहे.

अचानक झालेल्या ढगफुटीमुळे गरीब कुटुंबीयांचे संसार व घरगुती साहित्य पाण्याखाली गेले होते. परिणामी, अन्नधान्यासह कोंबड्याही दगावल्या होत्या. (Karanji flood victims still deprived of help Jalgaon News)

माजी पालकमंत्री डॉ. सतीश पाटील, रेडक्रॉस सोसायटी जळगाव, श्री साई हॉस्पिटलचे संचालक डॉ. संभाजीराजे पाटील यांनी गरजूंना संसारोपयोगी साहित्यवाटप करून त्यांना मदतीचा आधार दिला होता. मात्र, अद्यापपर्यंत शासनाकडून ठोस मदत न मिळाल्याने पूरग्रस्त कुटुंबीय शासनाची मदतीची आस धरून आहेत.

ती मदत तत्काळ मिळावी, अशी अपेक्षा ते व्यक्त करीत आहे. याबाबत सरपंच भय्यासाहेब रोकडे यांनी पूरग्रस्तांतर्फे नूतन जिल्हाधिकारी अमन मित्तल यांच्याकडे मागणी करून शासकीय मदत मिळावी, अशी विनंती केली आहे.

दरम्यान, सरपंच भय्यासाहेब रोकडे यांनी यापूर्वी तत्कालीन जिल्हाधिकारी अभिजित राऊत यांना पूरग्रस्तांच्या मदतीसाठी निवेदन दिले होते. मात्र, अद्यापपर्यंत ४४ पैकी आठच शेतकऱ्यांना तुटपुंजी मदत मिळाली असल्याचे भय्यासाहेब रोकडे यांनी सांगितले. नूतन जिल्हाधिकारी मित्तल यांनी आपल्यास्तरावर संबंधित विभागाला सूचना करून पूरग्रस्तांना मदत मिळवून न्याय द्यावा, अशी अपेक्षा व्यक्त होत आहे.

हेही वाचा : काय घडलं होतं उदयनराजेंच्या जलमंदिर पॅलेसमध्ये १९५२ साली??

"गावाचा प्रथम नागरिक या नात्याने प्रामाणिकपणे सरपंचपदाला न्याय देत पूरग्रस्तांना मदत मिळावी, यासाठी सप्टेंबर महिन्यात जिल्हाधिकाऱ्यांना प्रत्यक्ष भेटून पूरग्रस्तांची व्यथा मांडली होती. मात्र न्याय मिळाला नाही. आता नूतन जिल्हाधिकारी अमन मित्तल यांनी पूरग्रस्तांना न्याय मिळवून द्यावा, एवढीच अपेक्षा."

-भय्यासाहेब रोकडे, सरपंच, करंजी

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Lok Sabha Election Exit Poll 2024: 'हा तर सरकारी एक्झिट पोल...', निकालांचा कल हाती आल्यानंतर काँग्रेसची पहिली प्रतिक्रिया

Lok Sabha Election Exit Poll Results 2024 : एक्झिट पोलमध्ये देशात तिसऱ्यांदा NDA ची सत्ता; INDIA आघाडीला किती जागा मिळणार?

Loksabha election 2024 Exit Poll : एकच पठ्ठ्या म्हणतोय मोदी चारशेपार होतील! तेही घटकपक्षांना धरुन; काय आहे एक्झिट पोलची आकडेवारी?

Mumbai News : महिला प्रवाशांची रेल्वेला साथ; सुट्टी किंवा वर्क फ्रॉम होममुळे महिला डब्यात तुरळक गर्दी

OpenAI Robotics Comeback : लवकरच तुमच्या भेटीला येतोय 'AI रोबोट' ; प्रगत तंत्रज्ञान घेऊन OpenAIचं पुन्हा पदार्पण

SCROLL FOR NEXT