Jalgaon News : महापालिकेतर्फे महाराष्ट्र नागरी अभियान २.० राबविण्यात येत आहे. या अंतर्गत घनकचरा व्यवस्थापन प्रकल्पासाठी आवश्‍यक असलेली निमखेडी व पिंप्राळा शिवारातील जागा उपलब्ध करून द्यावी असे पत्र जिल्हाधिकाऱ्यांनी राष्ट्रीय महामार्ग विभाग व राहुरी कृषी विद्यापीठास दिले आहे. (Make land available at Nimkhedi Pimprala for solid waste project Collectors letter Jalgaon municipality News)

महापालिकेतर्फे घनकचरा व्यवस्थापन करण्यात येणार आहे. यासाठी पिंप्राळा शिवारातील गट नंबर १३ पैकी ८०० चौरस मीटर जागा उपलब्ध करून देण्यास महापालिकेने विनंती केली आहे.

ही जागा कार्यकारी अभियंता (राष्ट्रीय महामार्ग क्रमांक १२) यांचे नावे जागा नमूद आहे. तरीही ही जागा महापालिकेस देण्याबाबत नाहरकत प्रमाणपत्र देण्यात यावे, असे सार्वजनिक बांधकाम विभागाचे कार्यकारी अभियंता यांना कळविण्यात आले आहे.

तर याच अभियानासाठी निमखेडी शिवारातील गट नंबर ६७, ६८, ६९, ७०, ७२ व ७३ या पैकी एक हजार चौरस मीटर जागा उपलब्ध करून देण्याबाबत राहुरी येथील महात्मा फुले कृषी विद्यापीठाचे कुलगुरू यांना विनंती केली आहे.

ही जागा महात्मा फुले कृषी विद्यापीठ राहुरी यांच्या नावे असल्याने जागा महापालिकेस प्रकल्पासाठी उपलब्ध करून देण्याबाबत आपले नाहरकत प्रमाणपत्र देण्यात यावे, असे कळविण्यात आले आहे.