Jalgaon Crime News : शहरातील ओंकारेश्‍वर मंदिराजवळील रस्त्यावर बोलत असलेल्या एका तरुण आणि तरुणीला दुचाकीवरील एकाने लाकडी दांडक्याने बेदम मारहाण करत शिवीगाळ केली.

जीवे ठार मारण्याची धमकी दिली.(Man and woman beaten up near Omkareshwar temple jalgaon crime news)

‘मला सोडून दुसऱ्याशी बोलते, माझ्याशी बोलत नाही', असा संताप करत तरुणाने हल्ला केल्याचा प्राथमिक अंदाज आहे. रामानंदनगर पोलिस ठाण्यात गुन्हा दाखल करण्यात आला आहे. शहरातील मुक्ताईनगरातील एसएमआयडी महाविद्यालय परिसरात भावेश नरेंद्र सपकाळे (वय १८) हा तरुण आई-वडील कुटुंबीयांसह वास्तव्याला आहे.

बुधवारी (ता.६) सायंकाळी सहाला भावेश हा त्याच्या मैत्रिणीसमवेत बोलत उभा होता. त्यावेळी शुभम नावाचा (पूर्ण नाव माहिती नाही) तरुण हा त्याची पल्सर गाडी (एमएच १९ जेए ४५५५) वरून आला. भावेशच्या मैत्रिणीला दुचाकीची धडक दिली.

त्यानंतर तिला काठीने मारहाण करत डाव्या डोळ्याजवळ दुखापत केली. भावेशला मारहाण करून जीवे ठार मारण्याची धमकी दिली. मारहाणीनंतर भावेशने मैत्रिणीसमवेत पोलीस ठाण्यात जाऊन शुभमविरुद्ध तक्रार दिली. पोलिस नाईक प्रशांत पाठक तपास करत आहेत.