यावल (जि. जळगाव) : शहरातील ३३ वर्षीय विवाहित महिला (Married Women) आपल्या सहा वर्षीय मुलीसह बेपत्ता झाली आहे. विवाहित महिला मुलीसह गेल्या सोमवारी (ता.२) जळगाव येथे जाण्यासाठी येथून निघाली होती. मात्र ती तिकडे पोहोचली नाही. सर्वत्र शोध घेऊन आढळून न आल्यामुळे येथील पोलिसात हरविल्याची नोंद करण्यात आली आहे. (married women Disappeared with daughter)

शहरातील श्री महर्षी व्यास मंदिरावरील पुजारी त्रिभुवनदास लक्ष्मण बैरागी यांच्या पत्नी ज्योती त्रिभुवनदास बैरागी व मुलगी त्रिशिका बैरागी (वय ६) हे दोघे सोमवारी (ता.२) यावल येथून जळगाव येथे जाण्यासाठी दुपारी साडेबाराला बसस्थानकावर (Bus Stand) आल्या. मात्र सायंकाळ झाली तरी त्या जळगाव येथे नातेवाईकांकडे पोहोचल्या नाहीत. तेव्हा दोघांचा सर्वत्र शोध घेऊन देखील त्या कुठेच आढळून न आल्याने बुधवारी (ता.४) येथील पोलिसात हरविल्याची नोंद करण्यात आली आहे. याप्रकरणी एसटी वाहकाकडे चौकशी केली असता बेपत्ता झालेली विवाहिता शेगाव जाण्यासाठी कसे जावे लागेल, या संदर्भात माहिती विचारात असल्याचे वाहकाने सांगितले. फौजदार नितीन चव्हाण तपास करीत आहेत.