चाळीसगाव (जि. जळगाव) : तालुक्यातील एका गावात राहणारी अल्पवयीन मुलगी अत्याचारातून गर्भवती राहिल्याचा धक्कादायक प्रकार समोर आला आहे. याप्रकरणी चाळीसगाव ग्रामीण पोलिसात गुन्हा दाखल करण्यात आला आहे. (Minor girl pregnant from torture by rapr case Filed Jalgaon Crime News)

चाळीसगाव तालुक्यातील एका गावात राहणाऱ्या १६ वर्षीय अल्पवयीन मुलीला, तू मला आवडते. माझ्याशी लग्न कर, असे सांगून घरच्यांना मारण्याची धमकी दिली व वारंवार अत्याचार केला. या अत्याचारातून अल्पवयीन मुलगी गर्भवती झाल्याची धक्कादायक घटना समोर आली आहे.

याप्रकरणी चाळीसगाव ग्रामीण पोलिस ठाण्यात पीडितेच्या फिर्यादीवरून संशयित राकेश युवराज जिरे (वय २२, रा. तांबोळे, ता. चाळीसगाव) या तरुणाविरोधात गुन्हा दाखल करण्यात आला आहे. सहायक पोलिस निरीक्षक धरमसिंग सुंदरडे तपास करीत आहेत.