जळगाव : जळगाव बाजार समितीच्या निवडणुकीत महाविकास आघाडीतर्फे (Maha Vikas Aghadi) पॅनल उभे करण्याचा निर्णय माजी मंत्री गुलाबराव देवकर यांच्या अध्यक्षतेखाली झालेल्या बैठकीत एकमताने घेण्यात आला. (panel by Maha Vikas Aghadi in market committee elections Jalgaon news)

जळगाव बाजार समितीची निवडणूक प्रक्रिया सुरू झाली आहे. त्या अनुषंगाने राष्ट्रवादी कॉंग्रेस, कॉंग्रेस व शिवसेना महाविकास आघाडीच्या तालुक्यातील नेत्यांची प्राथमिक स्वरूपाची बैठक बुधवारी (ता. २२) माजी मंत्री गुलाबराव देवकर यांच्या अध्यक्षतेखाली मजूर फेडरेशनच्या कार्यालयात झाली.

हेही वाचा : एका मुलाखतीतून उलगडलेले भैरप्पा!

यानंतर महाविकास आघाडीच्या जिल्ह्यातील नेत्यांची विस्तृत बैठक घेण्यात येईल व त्यात पॅनल निश्चित करण्यात येईल, असे सर्वानुमते ठरविण्यात आले. बैठकीला शिवसेना ठाकरे गटाचे जिल्हा सहसंपर्क प्रमुख गुलाबराव वाघ, शिवसेना ठाकरे गटाचे मनपातील विरोधी पक्षनेते सुनील महाजन, जिल्हा बँकेचे संचालक श्यामकांत सोनवणे, लक्ष्मण पाटील (लकी टेलर), राष्ट्रवादी सहकार विभागाचे जिल्हाध्यक्ष वाल्मीक पाटील, युवा सेनाप्रमुख नीलेश चौधरी, काँग्रेसचे बेनहर टेलर, माजी नगरसेवक मनोज चौधरी, लीलाधर तायडे यांच्यासह महाविकास आघाडीचे नेते उपस्थित होते.