जळगाव : प्रधानमंत्री किसान सन्मान निधी योजनेचे पैसे आधार क्रमांकास जोडलेल्या बँक खात्यात जमा होणार आहेत. बँक खाते आधारशी संलग्न नसेल, अशा लाभार्थ्यांनी त्यांच्या बँक खाती आधार संलग्न करणे बंधनकारक आहे, असे जिल्हाधिकारी अमन मित्तल यांनी सांगितले.

लाभार्थ्यांनी संबंधित बँकेत जाऊन स्वत:चे बँक खाते आधार संलग्न करून घ्यावे. या योजनेंतर्गत लाभार्थ्यांना ई-केवायसी प्रमाणीकरण करणे बंधनकारक करण्यात आले असून, त्याशिवाय लाभार्थ्याला शासनाकडून या योजनेचा पुढील हप्ता वितरित होणार नाही. (PM Kisan Yojana Fund E KYC authentication mandatory Jalgaon News)

मेडिकल मॅनेजमेंटही हृदयविकारावर ठरु शकते उपाय

अद्यापही ई-केवायसी प्रमाणीकरण न केलेल्या लाभार्थ्यांना पीएम किसान पोर्टलच्या https://pmkisan.gov.in या संकेतस्थळावर फार्मर कार्नरमधील ई-केवायसी या टॅबमधून ओटीपीद्वारे स्वतः ई-केवायसी प्रमाणीकरण मोफत करता येईल.

तसेच ग्राहक सेवा केंद्रावरून (सीएससी) बायोमॅट्रिक पद्धतीने ई-केवायसी प्रमाणीकरण करता येईल. त्यासाठी केंद्र शासनाने प्रतिलाभार्थी प्रमाणीकरण शुल्क दर १५ रुपये निश्चित केले आहेत.