जळगाव : कवयित्री बहिणाबाई चौधरी उत्तर महाराष्ट्र विद्यापीठाच्या भाषा अभ्यास मराठी विभागातर्फे मराठी भाषा संवर्धन पंधरवडा होत असून, त्याचा एक भाग म्हणून विद्यार्थ्यांचे कविसंमेलन घेण्यात आले. मराठी विभागप्रमुख प्रा. डॉ. म. सु. पगारे अध्यक्षस्थानी होते.

कविसंमेलनात प्रशाळेतील काही विद्यार्थ्यांनी उत्स्फूर्त सहभाग नोंदविला. यात विद्यार्थी आकाश कांगळे याने ‘खेळ हा माझा’, मयूरी सोनवणे हिने ‘आत्मभान’, महेश सूर्यवंशी याने ‘सत्यशोधक’, सचिन माळी यांनी ‘जीवनसाथी’ आणि नारायण पुरी यांची ‘प्रेमाची जांगड-गुत्ता’, तर धवल सूर्यवंशी यांनी भारत देशावर या कविता सादर केल्या. (Poet Bahinabai Chaudhari North Maharashtra University Marathi Section Celebrate Kavi Sammelan Jalgaon News)

मेडिकल मॅनेजमेंटही हृदयविकारावर ठरु शकते उपाय

प्रा. कृष्णा संदानशिव यांनी नामदेव ढसाळ यांची ‘रक्तात पेटलेल्या अगणित सूर्यांनो व नर्गिस’ या कवितेचे वाचन केले.

अध्यक्षीय मनोगतात प्रा. म. सु. पगारे यांनी काव्यवाचनाविषयी मार्गदर्शन केले. प्रा. दीपक खरात यांनी प्रास्ताविक केले. विद्यार्थिनी निशा सपकाळे हिने सूत्रसंचालन करून आभार मानले.