Jalgaon News : रेल्वेस्थानक परिसरात प्रवासी भरण्यावरून सात जणांनी रिक्षाचालकाला बेदम मारहाण केली.

पिंप्राळा मढी चौकातील रिक्षाचालक नीलेश चंद्रकांत ठाकूर मंगळवारी (ता. २०) रात्री दहाच्या सुमारास रेल्वेस्थानकाबाहेरील स्टॉपवर रिक्षात प्रवासी बसवित असताना, त्यांच्याशी तौसिफ शेख शकील अहमद व ओसामा शेख अब्दुल सत्तार यांनी वाद घातला.(Rickshaw driver beaten up for charging passengers Jalgaon Crime News)

तौसिफ, ओसामा यांच्यासह आणखी पाच जणांनी नीलेश ठाकूर यांना शिवीगाळ करून लाथाबुक्क्यांनी तोंडावर व पोटावर मारहाण केली.

यात नीलेश ठाकूर जखमी झाले. उपचारानंतर ठाकूर यांनी बुधवारी (ता. २१) दिलेल्या फिर्यादीवरून शहर पोलिस ठाण्यात तौसिफ शेख शकील अहमद व ओसामा शेख अब्दुल सत्तार (दोन्ही रा. शाहूनगर) यांच्यासह इतर पाच अनोळखी व्यक्तींविरुद्ध गुन्हा दाखल झाला आहे. सहाय्यक फौजदार संजय बडगुजर तपास करीत आहे.

हेही वाचा : Credit Card फसवणूक....काय घ्याल काळजी?