जळगाव : शहरातील हॉटेल पारसजवळील वखारीशेजारून आरटीओ एजंटची दुचाकी चोरट्यांनी चोरून नेली. (RTO agents bike stolen Jalgaon Crime News)

हेही वाचा : योग्य वेळेतच करा इच्छापत्र आणि व्हा चिंतामुक्त

किरण युवराज कोळी (वय ३९) परिवारासह एकनाथनगरमध्ये कॉलनीत वास्तव्याला असून, आरटीओ कार्यालयात एजंट आहे. त्यांच्या मालकीची दुचाकी (एमएच १०, डीजी ३८६९) घेऊन ते रविवारी (ता. १) सायंकाळी सहाला कामानिमित्त हॉटेल पारसनजीकच्या पन्नालाख वखार येथे आले होते.

वखारीजवळ त्यांनी त्यांची दुचाकी उभी केली. एक तासानंतर काम आटोपून परतल्यावर त्यांची दुचाकी चोरीला गेल्याचे आढळून आले. याबाबत त्यांनी दिलेल्या तक्रारीवरून एमआयडीसी पोलिस ठाण्यात गुन्हा दाखल झाला आहे. पोलिस नाईक विकास सातदिवे तपास करीत आहेत.