Jalgaon Crime News : जळगावकडून भुसावळकडे येणाऱ्या मालवाहू वाहनाची (पीकअप) महसूल पथकाने तपासणी केली असता त्यात अवैध वाळू आढळून आली.

वाहनचालक यावलच्या दिशेने पळून जाण्याचा प्रयत्नात असताना पथकाने पाठलाग करीत वाहन पकडले. (sand vehicle caught in Bhusawal jalgaon crime news)

त्यावेळी वाहन चालक अंधाराचा फायदा घेत पसार झाला. वाहन तपासले असता या वाहनातून वाळू वाहतूक होत असल्याचे दिसून आले. वाहनमालक भास्कर कोळी (रा. कांचननगर, जळगाव) असून वाहन क्रमांक (एमएच १९, बीएम १३५६) असा आहे.

वाहन व वाहनातील गौण खनिजाचा पंचनामा केला असून, वाहनावर दंडात्मक कार्यवाही होण्यासाठी कामे तहसील कार्यालयात जमा केले आहे.

या कारवाईत भुसावळ महसूल विभागाचे मंडळ अधिकारी एफ. एस. खान, प्रफुल्ल कांबळे, प्रवीण पाटील, रजनी तायडे, पवन नवगाळे, मिलिंद तायडे, मंगेश परिसे, नितीन केले, जितेश चौधरी, शरद पवार, जयराज भालेराव हे होते.