फैजपूर (जि. जळगाव) : भारतातील एकमेव संस्कृत महाविद्यालय श्रीचक्रधर गुरुकुलच्या नूतन इमारतीचे उद्घाटन समारंभ तथा संस्कृत शास्त्री संमेलन १८ व १९ मार्चला आयोजित करण्यात आले आहे. (Sanskrit Shastri Sammelan to Faizpur from 18 march jalgaon news)

या कार्यक्रमाला भारतभरातून पाचशे महानुभाव पंथाचे पाचशे संत उपस्थित राहणार आहेत, अशी माहिती आचार्य मानेकर बाबा शास्त्री यांनी दिली.

श्री चक्रधर गुरुकुल महाविद्यालय येथे आज सायंकाळी पाचला झालेल्या पत्रकार परिषदेत बोलताना आचार्य मानेकरबाबा शास्त्री म्हणाले, की श्री चक्रधर गुरुकुल संस्कृत महाविद्यालयाची स्थापना फैजपूर येथे १९६१ मध्ये झाली. हे महाविद्यालय ६२ वर्षांपासून अस्तित्वात असून, दोनशे शास्त्री यांनी संस्कृत शास्त्री पदवी नागपूर विद्यापीठ अंतर्गत प्राप्त केली आहे.

आता श्रीचक्रधर गुरुकुल संस्कृत महाविद्यालय फैजपूर या नूतन इमारतीचे उद्घाटन तथा संस्कृत शास्त्री संमेलन १८ व १९ मार्चला होणार आहे. या दोन दिवसीय कार्यक्रमाला भारतभरातून पाचशे महानुभाव पंथाचे पाचशे संत उपस्थित राहणार आहेत.

हेही वाचा : ही चाळीस वर्षे जुनी बलाढ्य बँक ४८ तासात बुडालीच कशी?

या दोन दिवसीय कार्यक्रमाच्या अध्यक्षस्थानी यात प्रामुख्याने आचार्य विंदवांस बाबा शास्त्री (फलटण) हे राहणार आहेत. तर आचार्य बाभुलगावकरबाबा शास्त्री (करमाड), आचार्य खामणीकरबाबा (कनाशी), आचार्य नागराजबाबा शास्त्री (छत्रपती संभाजीनगर), आचार्य राहेरकर बाबा, आचार्य संतोषमुनी शास्त्री (छत्रपती संभाजीनगर), आचार्य रिधपूरकर शास्त्री, श्री. आचार्य प्रवर न्यायबास बाबा,

श्री. आचार्य प्रवर माहूरकर बाबा हे उपस्थित राहणार आहेत. याप्रसंगी नूतन इमारत उद्घाटन सुशील बाफना (जळगाव) यांच्या हस्ते करण्यात येणार आहे. तर संमेलनात २५० ते ३०० शास्त्रीचा समावेश होणार आहे. यावेळी पत्रकार परिषदेला संस्थेचे अध्यक्ष वसंत महाजन, प्राचार्य राजधर शास्त्री, उपप्राचार्य कृष्णराज शास्त्री, राज शास्त्री, साहित्यचार्य राजधरबाबा शास्त्री, डॉ. प्रा. गोविंद शास्त्री जामोदेकर, हरिपाळ शास्त्री राहेरकर हे उपस्थित होते.