Fraud esakal
जळगाव

स्टेट बँक कर्मचाऱ्याचा असाही प्रताप; व्यापाऱ्याला 39 लाखांचा गंडा

बँकेत व्याज कमी मिळतो असे म्हणत, जास्तीच्या व्याजाचे आमिष आणि खात्रीशीर दावा करून ही फसवणूक करण्यात आली.

सकाळ वृत्तसेवा

जळगाव : शहरातील जिल्हापेठ परिसरातील व्यापाऱ्याला चक्क स्टेट बँकेच्या (SBI) कर्मचाऱ्याने गुंतवणुकीचे आमिष दाखवत ३९ लाखांचा चुना लावला आहे. बँकेत व्याज कमी मिळतो असे म्हणत, जास्तीच्या व्याजाचे आमिष आणि खात्रीशीर दावा करून ही फसवणूक करण्यात आली.

विलास डोंगरलाल जैसवाल (वय-६९ रा. सागर अपार्टमेंट, जिल्हापेठ) कुटुंबीयांसह वास्तव्याला आहे. व्यापार करून आपला उदरनिर्वाह करतात. स्टेट बँकेच्या महाबळ शाखेत नोकरीला असलेल्या प्रसाद सोनार यांच्याशी (ता.३० डिसेंबर २०१८ला) त्यांची ओळख झाली. ओळख झाल्यावर प्रसादने आपल्या लाघवी बोलण्यातून जैसवाल यांच्यावर प्रभाव टाकत स्टेट बँकेत नोकरीला असल्याचे सांगत त्यांचा विश्वास संपादन केला. स्टेट बँकेत व्याज व्यवस्थित मिळत नाही असे सांगून, मी सांगतो त्या ठिकाणी पैसे गुंतवा आम्हाला त्यातून १० ते १५ टक्के व्याज मिळते आणि त्यातून तुम्हाला ५ टक्के प्रतिमहिना अतिरिक्त व्याज देऊन असा प्रस्ताव ठेवला. आणि त्याच्या आमिषाला विलास जैसवाल बळी पडले.

पैसा गुंतवून परतावाच नाही..

प्रसाद सोनार व त्याचा साथीदार विपुल लखीचंद चौधरी (रा. धानोरा, ता. चोपडा) यांना जैस्वाल यांनी वेळीवेळी एकूण ३८ लाख ८७ हजार ५०० रुपये दिले. ठरल्या प्रमाणे पैसा गुंतवणूक करूनही कोणताही परतावा मिळत नसल्याने आपली फसवणूक झाल्याचे त्यांच्या लक्षात आले. त्यांनी तातडीने जिल्हापेठ पोलिस ठाण्यात धाव घेऊन तक्रार दिली.

गुन्हा दाखल...

विलास जैसवाल यांच्या फिर्यादीवरून स्टेट बँकेचा कथित कर्मचारी प्रसाद सोनार आणि त्याचा साथीदार विपुल लखीचंद चौधरी यांच्याविरुद्ध जिल्हापेठ पोलिसात गुन्हा दाखल करण्यात आला आहे. सावकारीच्या नादात हा गुन्हा घडल्याचा प्रथमदर्शनी अंदाज व्यक्त होत असून पुढील तपास सहाय्यक पोलिस निरीक्षक किशोर पवार करीत आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

GST Slab Proposal: कररचनेत ऐतिहासिक बदल! आता जीएसटीत फक्त दोनच दर, केंद्राचा प्रस्ताव मंजूर

Explainer: 'गाझा'वर ताबा मिळवण्यासाठी इस्रायल तयार; पण २० वर्षांपूर्वी सैनिकांना माघारी बोलावण्याची आली होती वेळ

Vajrasana Benefits: जेवल्यावर लगेच करता येणारे एकमेव आसन! जाणून घ्या वज्रासनाचे जबरदस्त फायदे

Charging Port Repair Tips : मोबाइल चार्ज होत नाही? घरच्या घरी 'या' सोप्या ट्रिकने दुरुस्त करा पोर्ट, बघा एका क्लिकवर

Trump Tariff: ट्रम्प टॅरिफचा फटका अमेरिकेलाच बसला! 446 कंपन्या दिवाळखोर; बेरोजगारीही वाढली

SCROLL FOR NEXT