Jalgaon Accident News : वराड बुद्रुक (ता. धरणगाव) गावातील बसस्थानकासमोर वाहनाला वाचविण्याचा प्रयत्नात पेट्रोल टँकरच्या अपघातात चालकाचा उपचारापूर्वीच मृत्यू झाल्याची घटना शनिवारी (ता. ३०) घडली.
धरणगाव पोलिसांत अपघाताची नोंद करण्यात आली आहे.(Tanker driver dies while trying to save two wheeler jalgaon accident news)
धरणगाव तालुक्यातील वराड बुद्रुक येथे लक्ष्मण माणिक वाडले (वय ५२) पत्नी आणि दोन मुलांसह वास्तव्याला होते. टँकरचालक म्हणून ते काम करत होते. शनिवारी वराड बुद्रुक गावातील बसस्थानकासमोरून ते जात असताना समोरून येणाऱ्या वाहनाला वाचविण्याच्या प्रयत्नात त्यांचा टँकरवरील ताबा सुटला आणि टँकर थेट नाल्यावरील पुलावरील कठड्यावर धडकला.
अपघातात चालक लक्ष्मण वाडले गंभीररीत्या जखमी झाले. अपघात होताच ग्रामस्थांनी लक्ष्मण वाडले यांना जळगाव येथील शासकीय वैद्यकीय महाविद्यालयात आणले. वैद्यकीय अधिकारी यांनी तपासणीअंती मृत घोषित केले. ग्रामस्थ व नातेवाइकांनी रुग्णालयात गर्दी केली होती. लक्ष्मण वाडले यांच्या मागे पत्नी, दोन मुले, विवाहित मुलगी, आई आणि भाऊ असा परिवार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.