जळगाव : गेल्या अनेक दिवसांपासूनची प्रतीक्षा असलेली जळगाव-तळई रातराणी बस अखेर सुरू झाल्याने जिल्हाभरातील प्रवाशांना मोठा दिलासा मिळाला आहे.
संपकरी कर्मचारी कामावर येवू लागल्याने पून्हा रातराणी सुरू
रातराणी ही बस जळगाव येथे रात्री ८.३० वाजता येते व जळगाव येथून रात्री ९ वाजता तळईसाठी सुटते. सकाळी तळई येथून ८ वाजता निघून १० वाजेपर्यंत जळगाव येथे येते. संपकरी कर्मचारी आता कामावर येवू लागल्याने प्रवाशांच्या सोयीसाठी एरंडोल आगाराची तळई रातराणी बस रविवारी १७ पासून सुरू केली असल्याचे आगारप्रमुख विजय पाटील यांनी सांगितले.
अखेर प्रवाशांची अनेक दिवसापासून होत असलेली मागणी पूर्ण
विभागीय वाहतूक निरीक्षक भगवान जगनोर यांच्या मार्गदर्शनाखाली एरंडोल आगाराचे आगारप्रमुख विजय पाटील, वाहतूक निरीक्षक गोविंदा बागूल यांनी अखेर प्रवाशांची अनेक दिवसापासून होत असलेली मागणी पूर्ण केली आहे. या रातराणी बसचे जिल्हाभरात प्रवासी आहेत. जळगावहून रात्री ९ ला सुटणारी ही एकमेव बस असल्याने व्यापार, खरेदी, नोकरी, व्यवसायानिमित्त मोठ्या प्रमाणावर प्रवासी जळगाव येथे ये-जा करतात.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.