Jalgaon Crime : शहरातील शिवाजीनगर उड्डाणपुलावरून वाळूच्या अवैध ट्रॅक्टरचा पाठलाग करून सहाय्यक फौजदाराने ते थांबविले. (thief stole sand tractor jalgaon crime )

ट्रॅक्टर ताब्यात घेत असताना मागून कारमधून येणाऱ्या वाळूमाफियांनी ट्रॅक्टर थांबविणाऱ्या सहाय्यक फौजदाराची धरपकड करून ट्रॅक्टर पळविल्याची घटना काँग्रेस भवनसमोर घडली. रात्री उशिरा या प्रकरणी गुन्हा दाखल करण्यात आला.

हेही वाचा : Credit Card फसवणूक....काय घ्याल काळजी?

सहाय्यक फौजदार संजय झाल्टे यांनी दिलेल्या तक्रारीनुसार बुधवारी (ता. २३) ते ड्यूटीवर येत असताना शिवाजीनगर उड्डाणपुलावरून वाळू घेऊन अवैध ट्रॅक्टर अजिंठा चौकाकडे जात असताना त्यांनी काँग्रेस भवनासमोर ट्रॅक्टर थांबवून परवान्याची मागणी केली.

चालकाशी बोलत असताना मागून सुसाट वेगात कार (एमएच १९ सीएफ ३२२२)मधून आलेल्या वाळू व्यावसायिकाने झाल्टे यांना धक्काबुक्की करीत कवेत धरले व ट्रॅक्टरचालकाला पळवून लावले.