Jalgaon Crime : चाळीसगाव- धुळे रस्त्यावरील चिंचगव्हाण फाट्यावरील दहिवद शिवारातील शेतात अंदाजे ४९ वर्षीय अनोळखी पुरुषाने निंबाच्या झाडाला गळफास घेऊन आत्महत्या केल्याची घटना बुधवारी (ता. ४) सकाळी साडेअकराच्या सुमारास उघडकीस आली. ( unknown man committed suicide jalgaon crime news)

दहिवद शिवारातील गट क्रमांक ३४९ मधील शेतात निंबाच्या गळफास घेतलेल्या अनोळखीच्या बाबतीत शरद पवार व गोविंदा महाजन यांनी पोलिसांना माहिती दिली. पोलिसांनी घटनास्थळी जाऊन पंचनामा केला.

आत्महत्या करणारा अनोळखी चिंचगव्हाण परिसरातील नसल्याची खात्री झाली असून त्याची ओळख पटविण्याचे आवाहन सहायक निरीक्षक विष्णू आव्हाड व उपनिरीक्षक गोपाल पाटील यांनी केले आहे. विश्‍वास वाघ यांनी दिलेल्या माहितीवरून पोलिसात आकस्मिक मृत्यूची नोंद करण्यात आली आहे.