जळगाव : जिल्ह्यात ५ व ६ मार्चला जिल्ह्यात अवकाळी पावसाने (Unseasonal rain) रब्बी पिकांचे मोठे नुकसान झाले आहे. सर्वाधिक नुकसान एरंडोल, धरणगाव, चोपडा तालुक्यांत झाले आहे. (Unseasonal rain has damaged 9 thousand hectares 13 thousand farmers have suffered jalgaon news)

जिल्ह्यात एकूण २५१ गावे बाधीत असून, १३ हजार ३५४ शेतकऱ्यांचे नुकसान झाले आहे. यात कोरडवाहू हरभरा, बाजरी, गहू, मका, ज्वारी, सूर्यफुल, कांदा, केळी, पपई, मोसंबी व लिंबूचा सामावेश आहे. नुकसानीचा अहवाल कृषी विभागाने बुधवारी (ता. ८) जिल्हाधिकारी अमन मित्तल यांना सादर केला.

गेल्या रविवारी (ता. ५) व सोमवारी (ता. ६) शहरासह जिल्ह्यात अनेक भागांत अवकाळी पावसाने हजेरी लावली. दोन दिवस सूर्यदर्शनही अल्प वेळ झाले. या पावसाने काढणीवर आलेला गहू, बजारी, हरभरा आदी पिकांचे नुकसान झाले.

सोमवारी होळी होती. यादिवशी चंद्राला ‘पुनवेचा चांद’ म्हणतात. मात्र, या दिवशी सायंकाळी जोरदार वादळ झाले. यामुळे चंद्रदर्शन झाले नाही. ‘पुनवेच्या चांद’चे दर्शन नागरिकांना झाले नाही.

हेही वाचा : तुमच्याकडं कागदी स्वरुपातले शेअर आहेत? मग हे वाचाच....

झालेले नुकसान हेक्टरमध्ये

तालुका--हरभरा--बाजरी--गहू--मका--ज्वारी -एकूण

भडगाव--०--१७--२७--३००--९२--४४६

धरणगाव--०--३४--२१२--११८८--५९९--२०३३

एरंडोल--७८--३८--५६३--२९८३--५७५--४६२९

चोपडा--१३६--२८--१७९--७८४--१७७--१३०८

केळीचे ३२.८५ हेक्टरवर नुकसान झाले आहे. यात बोदवड, भुसावळ, जळगाव या गावांचा सामावेश आहे.

"जिल्ह्यात ५ व ६मार्चला अवकाळी पावसाने सुमारे ९ हजारांवर हेक्टर रब्बी पिकांचे नुकसान झाले आहे. त्याचे पंचनामे झाले सुरू आहेत. लवकरच सर्व पंचनामे पूर्ण होतील." -संभाजी ठाकूर, जिल्हा अधीक्षक कृषी अधिकारी