Jalgaon News : येथील भोइटेनगर पिंप्राळा उड्डाण पुलाचे काल लोकार्पण झाल्याने आजपासून नागरिकांनी पुलावरून वाहतूक सुरू केली आहे. (vehicular traffic jam was resolved With opening of Pimprala flyover jalgaon news)

गणेश कॉलनी, शिवकॉलनीतून शिवाजीनगरसह त्या परिसरातील उपनगरात राहणाऱ्या नागरिकांना पुलामुळे कमी वेळेत परिसरात येणे शक्य झाले आहे. विशेषत सुरत रेल्वेगेटवर होणारी गर्दी टळली आहे.

शिवाजीनगरसह इतर परिसरात जाण्यासाठी गणेश कॉलनीतील बजरंग बोगद्यातून निघून, पुढे सुरत रेल्वे फाटकातून जावे लागत होते. आता मात्र पुल सुरू झाल्याने थेट रिंगरोडवरून निघून शिवाजी नगरातील उपनगरात जाता येते. सुरत रेल्वे गेट बंद असल्यास ते उघडण्याची वाट पहावी लागत नाही.

दुसरीकडेमात्र पिंप्राळा वासियांसाठी उड्डाण पुलावरून निघालेल्या रस्त्याचे काम अपूर्ण आहे. तो रस्ता वाहतुकीस खुला करण्यात आला नाही. यामुळे पिंप्राळ्याकडे जाताना बजरंग बोगद्याखालूनच जावे लागत आहे.

येथे वाहतुकीची कोंडी होत आहे. उंच व मोठ्या वाहनांना बोगद्याखालून जाता येत नाही. ‘महारेल’ने पिंप्राळ्याकडे जाणाऱ्या रस्त्याचे काम लवकर पूर्ण करावे अशी मागणी नागरिकांची आहे.