जळगाव : रावेर तालुक्यातील एका गावात सतरा वर्षीय मुलीवर वारंवार अत्याचार केल्याने ती गर्भवती राहिली. तिने जिल्हा शासकीय वैद्यकीय महाविद्यालयात बाळाला जन्म दिला आहे. (victim of rape gave birth to baby jalgaon crime news)

रावेर तालुक्यातील एका गावात १६ वर्षीय अल्पवयीन मुलीचे आईवडिल ऊस तोडणीचे काम करून उदरनिर्वाह करतात. साधारण सात महिन्यांपूर्वी अल्पवयीन मुलगी आपल्या परिवारासह बारामती तालुक्यातील फलटणजवळ ऊस तोडणीला गेली.

तिथे झोपडी करून वास्तव्याला होते. पीडित मुलगी झोपडीत एकटी असताना, आरज्या (पूर्ण नाव माहिती नाही) याने अल्पवयीन मुलीवर वारंवार अत्याचार केला. मुलीने घरात घाबरून कुणाला काहीही सांगितले नाही. त्यानंतर कुटुंब पुन्हा मुळ गावी परत आले. त्यानंतर पीडितेला त्रास जाणवू लागल्याने तिला रुग्णालयात आणण्यात आले.

हेही वाचा : जीएसटीसाठी नोंदणी केलीच नाही तर??

तपासणीअंती पीडिता गर्भवती राहिल्याचे समोर आले. तिला जिल्हा शासकीय वैद्यकीय महाविद्यालयात दाखल करण्यात आले. तेथे पीडित मुलीने मुलाला जन्म दिला. याप्रकरणी पीडित मुलीच्या आईने दिलेल्या फिर्यादीवरून पोलिस ठाण्यात गुन्हा दाखल झाला आहे.