जळगाव : शहरातील अजिंठा चौकातील हॉटेल महाराजासमोर गावठी पिस्तूल घेऊन फिरणाऱ्या दोघांना एमआयडीसी पोलिसांनी अटक केली. मध्य प्रदेशातून जळगावात पिस्तूल विक्री करण्यासाठी दोघे आले होते.

अजिंठा चौकातील हॉटेल महाराजा परिसरात दोघे गावठी पिस्तूल घेऊन फिरत असल्याची माहिती एमआयडीसी पोलिस ठाण्याचे निरीक्षक जयपाल हिरे यांना मिळाली. (Village pistol seller arrested Jalgaon Crime News)

हेही वाचा : ज्ञानेश्वरीत आहेत HR निगडित व्यवस्थापन सूत्रे...

त्यावरून त्यांच्या गुन्हेशोध पथकाने अजिंठा चौकातील हॉटेल महाराजासमोर संशयित अक्षय प्रकाश घारू (वय २१) व नितीन देवी दयाल सालवे (वय २५, दोन्ही रा. शिवाजीनगर, बऱ्हाणपूर, मध्य प्रदेश) यांना ताब्यात घेतले.

त्यांच्याकडून २० हजार रुपयांचे गावठी पिस्तूल हस्तगत केले. याबाबत पोलिस नाईक विकास सातदिवे यांच्या फिर्यादीवरून दोघांविरुद्ध एमआयडीसी पोलिस ठाण्यात गुन्हा दाखल झाला आहे. पोलिस नाईक रामकृष्ण पाटील तपास करीत आहे.