120 corona patients discharged today but 68 people reports are positive in ratnagiri 
कोकण

Covid Update : रत्नागिरी जिल्ह्यातील 120 जणांनी केली कोरोनावर मात

सकाळ वृत्तसेवा

रत्नागिरी : मागील चोवीस तासांत जिल्ह्यात 68 नवीन कोरोनाबाधित रुग्ण सापडले. त्यामुळे एकूण रुग्णांचा आकडा 7 हजार 182 झाला. राज्याच्या तुलनेत जिल्ह्यातील कोरोनामुक्‍त होणाऱ्या रुग्णांचे प्रमाण पाच टक्‍क्‍यांनी अधिक आहे. दरम्यान, गेल्या चोवीस तासांत 120 रुग्ण बरे झाले आहेत. रुग्ण सापडण्याचे जिल्ह्यातील प्रमाण दिवसेंदिवस कमी होत आहे, ही सुखद बाब आहे. 

मिळालेल्या माहितीनुसार, 68 कोरोनाबाधितांपैकी 22 आरटीपीसीआर चाचणीतील तर 46 रुग्ण अँटिजेनमधील आहेत. सर्वाधिक 37 रुग्ण चिपळूण तालुक्‍यात सापडले. मंडणगड तालुक्‍यात एकही नवीन रुग्ण नाही. उर्वरित तालुक्‍यांत दापोली- 1, खेड- 2, गुहागर- 2, संगमेश्‍वर- 5, रत्नागिरी- 10, लांजा- 4, राजापुरात 7 रुग्ण सापडले. 

'माझे कुटुंब, माझी जबाबदारी' मोहिमेतून कोरोनावर मात करण्यासाठी आरोग्य यंत्रणा प्रत्यक्ष घरापर्यंत पोचली आहे. मागील चोवीस तासांत जिल्ह्यात 120 रुग्ण बरे होऊन घरी परतले आहेत. आतापर्यंत जिल्ह्यात 6,016 रुग्ण बरे झाले आहेत. हे प्रमाण 83.76 टक्‍के आहे. 

रविवारी  (27) एकाही रुग्णाचा मृत्यू झालेला नाही, मात्र 3 सप्टेंबरपासून नोंद करण्याची राहून गेलेल्या पाच मृतांची आजच्या आकडेवारीत भर पडली आहे. त्यात 26 तारखेला मृत्यू झालेल्या एका रुग्णाचा समावेश आहे. यामध्ये सर्वाधिक चार रुग्ण खासगी रुग्णालयात मृत्यू पावलेले आहेत. जिल्ह्यातील मृतांचा आकडा अडीचशेवर पोचला असून, मृत्युदर 2.40 टक्‍के आहे. मृतांमध्ये खेड, संगमेश्‍वर, चिपळूण तालुक्‍यातील रुग्णांचा समावेश आहे. रत्नागिरी तालुक्‍यातील मृतांचा आकडा 72 वर पोचला आहे, तर चिपळुणात 61 आणि खेडात 42 रुग्ण मृत्यू पावले आहेत. 


* आजचे बाधित - 68 
* आतापर्यंतचे एकूण बाधित - 7,182 
* एकूण निगेटिव्ह - 35,190 
* आजचे बरे झालेले - 120 
* एकूण बरे झालेले - 6,016 
* एकूण मृत - 250 
* उपचाराखालील रुग्ण - 790 

संपादन - स्नेहल कदम 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Power of Simple Living and Discipline : साधं राहणीमान अन् बचतीच्या जोरावर ४५व्या वर्षी निवृत्तीपर्यंत जमवले ४.७ कोटी; जाणून घ्या कसे?

Latest Marathi News Updates : दक्षिण मुंबईतील गणेशोत्सव मंडळांची बैठक सुरु, अडचणींवर व नियोजनाबाबत होणार चर्चा

Video: प्रेमाची तालिबानी शिक्षा! काकाच्या मुलीवर प्रेम जडलं; रागात गावकऱ्यांनी प्रेमीयुगुलांना नांगराला जुंपलं, व्हिडिओ व्हायरल

८ चेंडूंत ६ विकेट्स.. पाच त्रिफळाचीत ! Kishor Kumar Sadhak ने इंग्लंडमध्ये सलग दोन षटकांत घेतल्या दोन Hat-Tricks

Parenting tips: पेराल ते उगवेल, आई वडिलांकडून अशा प्रकारे सवयी शिकतात मुलं

SCROLL FOR NEXT