अलिबाग : गणेशोत्सवानिमित्ताने प्राथमिक स्वरूपात सुरू झालेली भाऊचा धक्का ते मांडवा ही रो-रो सेवा आता पुढेही सुरुच राहणार आहे. प्रवाशांचा वाढता प्रतिसाद पाहून ती नियमित सुरू राहणार असल्याची माहिती एम2एम फेरीबोट सर्व्हिसेसच्या वतीने सांगण्यात आले आहे.
वाहतुकीची इतर साधने सुरू होत असल्याने भाऊचा धक्का ते मांडवा ही रो-रो सेवा सुरू ठेवण्यास राज्य सरकारने अनुमती दर्शवली आहे. गौरी-गणपती निमित्ताने अलिबाग, मुरूडमधील प्रवाशांना सोईचे व्हावे, यासाठी ही सेवा सुरू करावी, अशी मागणी प्रवाशांनी केली होती. त्यानुसार जिल्हाधिकारी निधी चौधरी यांनी 20 ऑगस्टपासून 31 ऑगस्टपर्यंत सेवा सुरू करण्यास परवानगी दिली.
20 ऑगस्टपासून सुरू झालेल्या या सेवेचा गणेशोत्सव दरम्यान 12 हजार प्रवाशांनी लाभ घेतला. प्राथमिक स्वरूपात सुरू झालेल्या या सेवेची दिवसाला एकच फेरी पूर्ण होत होती. सकाळी भाऊचा धक्का येथून प्रवासी घेऊन ही फेरीबोट साधारण एका तासात मांडवा येथे पोहचते. मांडवा येथून सायंकाळी तिचा परतीचा प्रवास सुरू होतो. भरती-ओहोटीनुसार वेळापत्रकात थोडाफार बदल करण्यात आला आहे. परंतु, मुसळधार पावसातही ही सेवा सुरू असल्याने रोरोला प्रवाशांचा प्रतिसाद वाढत चालला आहे. याचमुळे मेरीटाईम बोर्ड आणि एम2एम फेरीबोट सर्व्हिसेसने ही सेवा नियमित सुरू ठेवण्याचा निर्णय घेतला आहे. मुंबई
प्रतिसाद समाधानकारक आहे. भविष्यात तो आणखी वाढण्याची आशा आहे. सध्याच्या वेळापत्रकात बदल होणार नसून ही सेवा पुढेही अशीच राहणार आहे.
-हाशिम मोंगीया, संचालक, एम2एम
(संपादन : उमा शिंदे)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.