दापोली (रत्नागिरी) : काल सायंकाळी दापोली तालुक्यात मेघगर्जनेसह पाऊस पडला असून काही गावांमध्ये गाराही पडल्या असून हाताशी आलेले आंबा पीक हातचे जाते कि काय याची चिंता आंबा बागायतदारांना भेडसावू लागली आहे.
तयार झालेला आंबा कोठे विक्रीस पाठवायचा हा प्रश्न ....
काल सायंकाळी 5.30 वाजणेचे सुमारास ढगांचा गडगडाटासह पाऊस पडला, तालुक्यातील जालगाव, आंजर्ले, पिचलोडी यांसह अनेक गावांत गारांसह मुसळधार पाऊस पडला, अनेक ठिकाणी बच्चेकंपनीने या पावसाचा आनंद लुटत गारा गोळा केल्या.
सध्या कोकणात आंबा व काजूचा हंगाम सुरू झाला असून मुंबई व पुणे येथील कृषी उत्पन्न बाजार समित्या बंद असल्याने तयार झालेला आंबा कोठे विक्रीस पाठवायचा हा प्रश्न बागायतदारांना पडला.
असतानाच आज अवकाळी पाऊस पडल्याने आंबा पिकाचे नुकसान होणार आहे, काही ठिकाणी अजून आंबा तयार झालेला नाही तेथील आंब्यावर या पावसाचा परिणाम होणार असल्याने बागायतदार चिंतेत पडला आहे, एकीकडे तयार आंब्याला बाजारपेठ नाही त्यात हा पाऊस यामुळे अनेक छोटे बागायतदार धास्तावले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.