दापोली : दापोली तालुक्‍यातील माटवण येथील 65 वर्षीय महिलेला कोरोनाची लागण झाल्याचे आज स्पष्ट झाले. दापोली तालुक्‍यात पहिला रुग्ण सापडल्याने खळबळ उडाली आहे. या महिलेला अधिक उपचारासाठी रत्नागिरी येथील जिल्हा रुग्णालयात पाठविण्यात येणार आहे. 

याबाबत मिळालेल्या माहितीनुसार, तालुक्‍यातील माटवण येथील संबंधित महिला मुंबई येथे राहते. तिच्या पोटाचे ऑपरेशन झाले होते. त्यामुळे तीने मुलगा व सुनेकडे गावी जाण्याची इच्छा व्यक्त केली. त्यानुसार मुलगा आणि सून तिला ऍम्बुलन्समधून गावी 30 एप्रिल रोजी पहाटे घेऊन आली. मुंबईहून आल्याने तिला दापोलीच्या उपजिल्हा रुग्णालयातील अलगीकरण कक्षात दाखल करण्यात आले होते. तिचा स्वॅबचा नमुना तपासणीसाठी मिरज येथे पाठविण्यात आला होता. आज त्याचा अहवाल पॉझिटिव्ह आला आहे. यामुळे प्रशासनासह आरोग्य विभागामध्ये खळबळ उडाली आहे. या संदर्भात पुढील उपाययोजना करण्यासाठी प्रशासन सज्ज झाले आहे. या महिलेच्या संपर्कात कोण कोण आले, त्याची माहिती घेतली जात असून या महिलेची प्रकृती चिंताजनक असल्याची माहिती जिल्हाधिकारीलक्ष्मीनारायण मिश्रा यांनी दिली. 

दरम्यान, खबरदारीचा उपाय म्हणून कोरोनाबाधित महिलेच्या मुलाला आणि सुनेला क्वारंटाईन करण्यात आले असून त्यांचेही स्वॅब तपारणीसाठी घेण्यात येणार होते. परंतु, तपासणीचे किट शिल्लक नसल्याने स्वॅब घेतले नाहित 

हे पण वाचा - धक्कादायक : एकाच आठवड्यात दोन डॉल्फिनचा मृत्यू

हे पण वाचा - कुटुंब नियोजनावर असा झाला आहे कोरोनाचा परिणाम!