सावंतवाडी (सिंधुदुर्ग) : येथील आंबोली घाटात नानापाणी येथील वळणावर रस्त्यावर झाड आडवे पडल्याने सावंतवाडी-आंबोली वाहतुक ठप्प झाली. हा प्रकार आज बारा वाजण्याच्या सुमारास घडली. दरम्यान सार्वजनिक बांधकाम विभागाकडून सदरचे झाड बाजुला हटवित या मार्गावरील वाहतुक सुरळीत करण्यात आली.

हेही वाचा - नवरात्रोत्सवात देवरुख सोळजाई मंदिर भाविकांसाठी राहणार बंद -

सावंतवाडी तालुक्यात परतीच्या पावसाने जोर धरला आहे. गेली चार-पाच दिवस पावसाची संततधार कायम आहे. बुधवारी सकाळी सोसाट्याच्या वाऱ्यासह सुमारे एक तास पावसाने मजल मारली. सोसाट्याच्या वाऱ्याने आंबोली घाटात पायथ्याशी नानापाणी येथे एका वळणावर रस्त्याच्या बाजूला दरडीवर असलेले झाड रस्त्यावर आडवे पडले सदरचे झाड भलेमोठे असल्याने दोन्ही बाजूची वाहतूक पूर्णतः ठप्प पडली. दरम्यान बांधकाम विभागाने घटनास्थळी जेसीबी तसेच कर्मचारी पाठवून सदर चे झाड बाजूला करून वाहतूक पूर्ववत सुरू केली.

दरम्यान या परिसरात पावसाची संततधार कायम असल्याने झाडे पडणे, दरड कोसळणे असे प्रकार घडत असतात. परिणामी सुरु असलेल्या या पावसाला जोर आणि वाऱ्याच्या वेगही जास्त आहे. आंबोली घाटात वरचेवर अशा घटना घडत असतात. मात्र झाड बाजूला केल्याने वाहतूक पूर्ववत सुरू झाली आहे. 

हेही वाचा -  ब्युटी पार्लरवरून राजकीय पुढारी पती-पत्नीमध्ये चांगलीच जुंपली ; भर बाजारपेठेत मारहाण -

संपादन - स्नेहल कदम