बांदा (सिंधुदुर्ग) : बेकायदा दारू वाहतूक करणाऱ्या तिघा संशयितांना पकडून गाडी जप्त केल्याच्या रागातून चक्क राज्य उत्पादन शुल्कच्या कार्यालयात धाव घेऊन तेथील कर्मचाऱ्यावर सुर्‍याने हल्ला केल्याचा प्रकार इन्सुली येथील तपासणी नाक्यावर मध्यरात्री घडला. यामध्ये एक शासकीय कर्मचारी जखमी झाला आहे. रमेश चंदुरे असे त्याचे नाव आहे.
ही घटना मध्यरात्री दीड वाजण्याच्या सुमारास राज्य उत्पादन शुल्क विभागाच्या इन्सुली येथील तपासणी नाक्यावर घडली. याप्रकरणी सावंतवाडी-माजगाव येथील तिघांवर हल्ला करुन शासकीय कामात अडथळा केल्याप्रकरणी बांदा पोलिसात गुन्हा दाखल करण्यात आला आहे.
नितीन प्रकाश सूर्यवंशी (रा. माजगाव-तांबळगोठण), संभाजी विनायक देसाई (रा. कुंभारवाडा) व बाळा राठवड (रा. कासारवाडा) अशी या संशयातांची नावे आहेत. जप्त केलेली दारूची गाडी कार्यालयाच्या मागे का लावली नाही या वादातून हा प्रकार घडला. यातून सूर्यवंशी याने आपल्या हातात असलेल्या सुर्‍याने वार केले यात चंदुरे हा कर्मचारी जखमी झाला. तेथील कर्मचारी शैलेंद्र चव्हाण यांनी बांदा पोलिसात फिर्याद दिली आहे. याबाबतची माहिती बांदा पोलिस ठाण्यातून देण्यात आली. अधिक तपास बांदा पोलीस करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.