देवरूख (रत्नागिरी) : साखरपा बाजारपेठेनजीक सोनार आळीजवळ राहणाऱ्या रजत भाटकर यांच्या घरात बिबट्याने ठाण मांडले. जिन्यावरून बिबट्याने घराच्या दुसऱ्या मजल्यावर प्रवेश केला. बिबट्याच्या घरातील वावराचे चित्रण सीसीटीव्ही फुटेजमध्ये स्पष्टपणे दिसत आहे. भाटकर यांच्याकडील पाळीव प्राण्याचा मागोवा घेत हा बिबट्या तेथे आला असावा, अशी चर्चा आहे. या प्रकारामुळे परिसरात भीतीचे वातावरण पसरले आहे.
मागील काही दिवसांपासून त्यांच्याजवळ असणाऱ्या पाळीव प्राण्याचा मागोवा घेत हा बिबट्या येथे येत असल्याचा अंदाज होता तो अखेर खरा ठरला. वन विभागाने याकडे तातडीने लक्ष द्यावे, अशी मागणी होत आहे. साखरपा परिसरात अनेक भागात बिबटे खुलेआम फिरत असल्याचे ग्रामस्थ सांगतात. या सीसीटीव्ही फुटेजमुळे याला दुजोरा मिळाला आहे. असा प्रकार होत राहिला तर जीवितहानी होण्याची शक्यता आहे.
परिसरातील पाळीव प्राणी या बिबट्यांमुळे संकटात सापडले असताना आता बिबट्या थेट घरात शिरण्याचा प्रयत्न करू लागल्याने वन विभागाने ही घटना गांभीर्याने घेऊन याबाबत हालचाल करावी, अशी मागणी आहे. याबाबत भाटकर हे सुद्धा वन विभागाकडे तक्रार करणार आहेत. या आधीही एका बिबट्याने या परिसरातील एका घरात घुसून दोघांवर
हल्ला चढवला होता. यात ते गंभीर जखमी झाले होते.
दरम्यान, याबाबत वन विभागाला येथील नागरिकांनी कळवले; परंतु रात्री उशिरापर्यंत वन विभागाचे अधिकारी घटनास्थळी आले नव्हते. या परिसरात दोन ते तीन बिबट्यांचा संचार आहे. अनेकांना बिबट्याने दर्शन दिले असून गुरांवर हल्लेही केले आहे. त्यामुळे या परिसरात वन विभागाने पिंजरा बसवावा, अशी मागणी येथील नागरिकांनी केली आहे.
हेही वाचा - सावंतवाडीत अज्ञाताने जाळली अल्टो कार
संपादन - स्नेहल कदम
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.