साडवली (रत्नागिरी) : देवरुख बाजारपेठेतील भाजी व फळे विक्री शनिवार पासुन बंद राहतील असा मेसेज तालुक्यात फिरला आणि सगळीच दुकाने बंद राहणार असे समजले गेले .यामुळे शनिवारी देवरुख बाजारपेठेत नागरीक फिरकलेच नाहीत व आपोआपच लाॅकडाउन यशस्वी झाला.

भाजी दुकाने बंद राहतील असा तो मेसेज होता,शेवटच्या नागरीकापर्यंत हा मेसेज पोहचे पर्यंत सगळीच बाजारपेठ बंद राहणार असा मेसेज गेला.तशा चर्चाही रंगु लागल्या.यावेळी काही नागरीकांनी त्यांना समजवायचा प्रयत्न केला की भाजी फक्त बंद रहाणार व बाकीची दुकाने सुरु रहाणार तरीही सर्वच बंद राहणार अशी शक्यता गृहीत धरुन नागरीकांनी बाजारात येणे टाळले.

हेही वाचा- एकजूटच परतवून लावेल कोरोना

तो मेसेज ​पसरला अन्

यामुळे बाजारपेठेत शुकशुकाट जाणवला व लाॅकडाउनही यशस्वी झाला.अफवा पसरली पण त्यातुन चांगलेच घडले व पोलीसांनाही थोडाकाळ विश्रांती मिळाली व ताणतणाव हलका झाला.किराणा,मेडीकल दुकानात यामुळे ग्राहकच आला नाही.