कणकवली (सिंधुदुर्ग) : मुंबई-गोवा महामार्ग वादाच्या भोवऱ्यात सापडत असताना आज अखेर या कामाचा एकूणच पर्दाफाश झाला आहे. नव्याने बांधण्यात आलेल्या ओवर ब्रिज चा भाग कोसळल्यामुळे कणकवलीत अक्षरश दाणादाण उडाली आहे. सुदैवाने कुणालाही दुखापत झालेली नाही.
महामार्ग चौपदरीकरणाच्या निकृष्ट कामाचा दर्जा पुन्हा एकदा उघड झाला आहे. शहरातील छत्रपती शिवाजी चौकातील उड्डाणपुलाचा काही भाग आज सकाळी १०.२० च्या दरम्यान कोसळला. सुदैवाने त्यावेळी महामार्गावरून वाहतूक सुरू नसल्याने जीवित हानी टळली. महामार्ग पूर्ण होण्यापूर्वीच उड्डाणपूल कोसळला असल्याने महामार्ग चौपदरीकरण किती वर्षे टिकणार असा प्रश्न शहरवासीयातून उपस्थित होत आहे.
यापूर्वी शहरातील एस एम हायस्कूल भागात उड्डाणपुलाची संरक्षक भिंत कोसळली होती त्यानंतर आज उड्डाणपुलाचा काही भाग सर्विस रस्त्यावर कोसळला आहे.कणकवली शहरात येथे उड्डाणपूल कोसळला तेथील गर्डर आणि स्लॅबचे काम चार महिन्यापूर्वी पूर्ण करण्यात आले होते. आज सकाळी अचानक गर्दर आणि त्यावरील स्लॅब कोसळल्याने कणकवलीकरातून तीव्र संताप व्यक्त करण्यात आला.
कणकवली शहरात एस एम हायस्कूल ते गड नदी पर्यंत 44 पिलर उभारून उड्डाणपुलाचे काम सुरू आहे. यातील छत्रपती शिवाजी महाराज चौक ते मेडिकल या दरम्यान बॉक्स बॉर्डर बांधलेले काम चार महिन्यापूर्वीच पूर्ण झाले होते. पुलावर स्लॅब घातल्यानंतर त्या खालील सपोर्ट काढन्यात आले आणि सेवा रस्त्यावरून वाहतूक देखील सुरू करण्यात आली होती. महामार्ग चौपदरीकरणाचे काम निकृष्ट होत असल्याच्या तक्रारी सातत्याने नागरिकांकडून केल्या जात होत्या. मात्र त्याकडे हायवे प्रशासनाने सोयीस्कर दुर्लक्ष केल्याची भावना शहरवासीयातून व्यक्त होत आहे.
संपादन - अर्चना बनगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.