रत्नागिरी : ज्या NDRF टीम ची चिपळूणकर दिवसभर वाट पाहत होते. ती टीम गुरुवारी रात्री उशिरा पूरग्रस्त चिपळूणमध्ये (chiplun flood live) पोहोचली असून त्यांनी मदतीला सुरुवात केली आहे. एकूण 4 पथके पाठवण्यात आली असून त्यातील 2 पथके चिपळूण येथे पोहोचली आहेत. त्यांनी आपल्या कामाला सुरुवात केली असून खेर्डी येथील 20 जणांना सुखरूप बाहेर काढले आहे. (konkan rain update)

दरम्यान रत्नागिरीतील 'जाणीव' फाऊंडेशनची टीमही चिपळूण येथे पोहोचली असून चिपळूणमध्ये उद्भवलेल्या पूरस्थितीमध्ये मदत करण्यासाठी रत्नागिरीतून “हेल्पिंग हँड” दाखल झाली आहे. सध्या चिपळूणमध्ये (chiplun) 15 बोटी उपलब्ध असून त्यापैकी 8 बोटी मार्फत बचाव कार्य सुरु आहे. चिपळूण येथे नेटवर्क नसल्याने फोन लागत नाहीत. पोलिसांनी (police) वायरलेसच्या मदतीने संदेशवहन सुरु ठेवणेबाबत सूचीत केले आहे.