सावंतवाडी : जिल्ह्यातील पर्यटनवृद्धीसाठी (increse tourism) ‘चांदा ते बांदा’ योजनेतून (chanda to banda policy) महाराष्ट्र पर्यटन विकास महामंडळाकडून जिल्ह्यात (maharashtra tourism) पर्यटनस्थळांकडे जाणाऱ्या रस्त्यांवर गडकिल्ले प्रतिकृती, ऐतिहासिक वारसा असलेली प्रतीकात्मक शिल्पे उभारली असून, ही शिल्पे सध्या सर्वांचे लक्ष वेधून घेत आहेत.

युती सरकारच्या काळात चंद्रपूर आणि सिंधुदुर्ग जिल्ह्यासाठी ‘चांदा ते बांदा’ योजना राबवली होती. सिंधुदुर्ग जिल्ह्याचे तत्कालीन पालकमंत्री दीपक केसरकर (dipak kesarakar) यांच्या संकल्पनेतून जिल्ह्यातील पर्यटनवृद्धीसाठी विविध योजना मंजूर झाल्या होत्या. त्यासाठी विशिष्ट समितीची नियुक्ती केली होती. समितीच्या अध्यक्षस्थानी केसरकर होते. सद्यस्थितीत ही योजना बंद असली तरी त्यावेळी मंजूर योजनांची कामे करण्यात येत आहेत.

सद्यस्थितीत जिल्ह्यात ५० पेक्षा जास्त ठिकाणी पर्यटनस्थळांकडे जाणाऱ्या मार्गावर अशा प्रतीकात्मक वास्तू शिल्पांची उभारणी पर्यटन विकास महामंडळाकडून करण्यात येत आहे. त्यासाठी जवळपास दीड कोटीचा निधी मंजूर केला असून समितीच्या विचारसरणीतून आणि संकल्पनेतून या शिल्पांची निवड करण्यात आली आहे. यामध्ये सावंतवाडीची लाकडी खेळणी, गडकिल्ले, बंदर जेटी, धबधबे आदी पर्यटनस्थळांचा समावेश आहे. तसेच दिशादर्शक, किलोमीटरची माहिती सांगणारे फलकही उभारले आहेत. हे शिल्प उभारताना गडकिल्ल्यांसाठी ढाल, तलवार, बंदर जेटीसाठी अँकर, अशी संकल्पना आहे.

"केसरकर पालकमंत्री असताना या कामांना मंजुरी मिळाली होती. गतवर्षी कोरोनामुळे हे काम थांबले; मात्र आता ते मार्गी लावण्यात येत आहे. जवळपास ५४ ठिकाणी असे वास्तुशिल्प उभारण्यात येणार अहे. जवळपास २७ ठिकाणी सद्यस्थितीत उभारले आहेत. पर्यटनवृद्धीसाठी याचा फायदा होणार अहे. पर्यटकांना पर्यटनस्थळाकडे जाण्यासही सोपे होणार आहे."

- संजय कल्पे, अधिकारी, पर्यटन विकास महामंडळ, सिंधुदुर्ग