Sindhudurg Why Needed Local Municipal Corporation  
कोकण

सिंधुदुर्गनगरीत नगरपंचायत का गरजेची...?

सकाळ वृत्तसेवा

ओरोस (सिंधुदुर्ग) :  सिंधुदुर्गनगरी नवनगर विकास प्राधिकरण समितीच्या आज झालेल्या सभेत सिंधुदुर्गनगरी नगरपंचायत स्थापना लवकर करण्यात यावी , असा महत्वपूर्ण ठराव घेण्यात आला . हा ठराव लवकरात लवकर कार्यवाही होण्यासाठी मुख्यमंत्री उद्धव ठाकरे यांच्याकडे पाठविण्याच्या निर्णय घेण्यात आला. प्राधिकरण कार्यक्षेत्रात नागरिकांसाठी विरंगुळा केंद्र उभारण्याचे निश्‍चित करून त्यासाठी आराखडा तयार करण्यात यावा, असा ठराव घेण्यात आला.

जिल्हाधिकारी तथा प्राधिकरण समिती अध्यक्ष डॉ. दिलीप पांढरपट्टे यांच्या अध्यक्षतेखाली जिल्हाधिकारी कार्यालयात ही बैठक पार पडली. यावेळी समिती सचिव तथा अपर जिल्हाधिकारी मंगेश जोशी , जिल्हा परिषद , जिल्हा पोलिस व विविध विभागांचे अधिकारी तसेच अशासकीय सदस्य प्रभाकर सावंत व छोटू पारकर उपस्थित होते. 

विरंगुळा केंद्राची गरज

बैठकीनंतर सदस्य श्री सावंत व पारकर यांनी याबाबत माहिती दिली . यावेळी सावंत व पारकर म्हणाले की, प्राधिकरण क्षेत्रातील वस्ती वाढली आहे . त्यामुळे येथे अधिकाधिक सेवा-सुविधा उपलब्ध व्हाव्यात अशी मागणी ग्रामस्थांची असून विरंगुळा केंद्र सुरु करण्याचीही मागणी होती. त्यानुसार विरंगुळा केंद्र उभारण्याचे निश्चित करून त्यासाठी आराखडा तयार करण्याचे ठरविण्यात आले. 

 प्राधिकरण क्षेत्रात लवकरच व्यापारी संकुल

प्राधिकरण क्षेत्रात सुसज्ज बाजारपेठ नाही. लोकांना खरेदीसाठी शहराबाहेर जावे लागते. यासाठी प्राधिकरण क्षेत्रात व्यापारी संकुल उभारण्याची मागणी पूर्वीपासून होत होती. व्यापारी संकुलाच्या आराखड्याला मान्यता देण्यात आली असून लवकरच व्यापारी संकुल उभारण्यात येणार असल्याचे जिल्हाधिकारी डॉ पांढरपट्टे यांनी स्पष्ट केले.

शासनांकडून 25 कोटी रूपये मंजूर

सिंधुदुर्गनगरीसाठी राज्य शासनांकडून माजी पालकमंत्री आ दीपक केसरकर यांनी 25 कोटी रूपये मंजूर केले आहेत. या निधीतून रस्ते विकास कामे सुरु आहेत. याच बरोबर पथदिवे बसविणे. भूखंड 103 व 46 भागासाठी विद्युत ट्रान्सफार्मर मंजूरीची मागणी करण्यात आली आहे. कचरा उचलण्यासाठी अजुन दोन अत्याधुनिक गाड्या खरेदी करण्याचा निर्णय घेण्यात आला.

प्रवेशद्वारावर  शिवाजी महाराज यांचा पुतळा

 आठवड्यातून एकदा कचरा उचलला जातो. त्यामुळे नागरिक त्रस्त आहेत. नवीन वाहने आल्यावर सुका व ओला कचरा असे वर्गीकरण करून कचरा उचलण्या निर्णय यावेळी झाला. यावेळी ओरोस फाटा येथील सिंधुदुर्गनगरी प्रवेशद्वारावर छत्रपती शिवाजी महाराज यांचा भव्य पुतळा उभारण्यात येणार आहे.

 जोरदार तयारी रौप्य महोत्सवाची

रौप्य महोत्सवी वर्षानिमित्त विविध सांस्कृतिक कार्यक्रम घेणे. रस्त्यांना दुभाजक बसविणे. प्राधिकारण क्षेत्रातील सर्कलचे सुशोभिकरण करणे. स्टॉलधारकांचे पुनर्वसन करणे, आदी विषयावर यावेळी चर्चा झाल्याचे सावंत आणि पारकर यांनी सांगितले.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Stock Market Closing: सेन्सेक्स 176 अंकांनी घसरणीसह बंद; मेटल आणि आयटीमध्ये जोरदार विक्री, कोणते शेअर्स वाढले?

IND vs ENG 3rd Test: जसप्रीत बुमराह IN, मग कोण OUT? लॉर्ड्स कसोटीसाठी इरफान पठाणने निवडली Playing XI; अशीच असेल टीम इंडिया

EMI Debt Trap: मध्यमवर्ग ईएमआयच्या जाळ्यात; 5 पैकी 3 लोकांवर तीनपेक्षा जास्त कर्ज, काय आहे कारण?

Latest Maharashtra News Live Updates: पूर्व विदर्भातील पूरस्थिती नियंत्रणात: एसडीआरएफ आणि एनडीआरए यंत्रणा सज्ज

Devendra Fadnavis : ''मीसुद्धा तो व्हिडीओ बघितला, पण...''; संजय गायकवाडांनी केलेल्या मारहाणीवर काय म्हणाले देवेंद्र फडणवीस?

SCROLL FOR NEXT