02417

जानवली येथे कंटेनर उलटला
कणकवली : मुंबई-गोवा महामार्गावर जानवली रतांबी व्हाळ येथे आज कंटेनर उलटला. सकाळी साडेसहाच्या सुमारास ही घटना घडली. यात चालक सुदैवाने बचावला. अपघातग्रस्त कंटेनर मुंबई ते गोवा असा सिमेंटची पोती घेऊन जात होता. जानवली रतांबी व्हाळ येथे कंटेनर आला असता चालकाला येथील दुभाजकाचा अंदाज आला नाही. वेगातील ट्रक दुभाजकाला आदळून दोन लेनच्या मध्ये पलटी झाला. सुदैवाने चालकाला फारशी दुखापत झाली नाही.