07276
वेंगुर्ले ः वीज अधिकाऱ्यांना निवेदन देताना भाजपचे पदाधिकारी. (छायाचित्र ः धनश्री मराठे)

‘होडावड्यात वीजपुरवठा तात्काळ सुरळीत करा’
मळेवाड, ता. ५ ः होडावडा गावातील विजेच्या विविध समस्यांबाबत भाजप पदाधिकारी व कार्यकर्त्यांनी वीज अधिकाऱ्यांना निवेदन देत तत्काळ समस्या सोडविण्याची मागणी केली आहे. होडावडा गावात विजेच्या अनेक समस्यांनी ग्रामस्थ हैराण झाले आहेत. होडावडा बाजारपेठेत विजेचा दाब कमी होत असल्याने तेथे २०० केव्हीचा नवीन ट्रान्सफार्मर बसविणे, गावामध्ये वारंवार वीज खंडित होत असल्याने त्याची तातडीने दुरुस्ती करून वीजपुरवठा सुरळीत करणे आदी मागण्य़ांचे निवेदन महावितरण उपविभाग वेंगुर्लेचे कनिष्ठ अभियंता कोठावळे यांना भाजपच्यावतीने देण्यात आले. यावेळी भाजपचे राजबा सावंत, मनोहर नाईक, प्रसाद परब, प्रसाद दळवी, विवेक साळगावकर, नाना परब, संतोष खानोलकर आदी उपस्थित होते.