- rat१९p४.jpg -
२५O०५३३२
क्रिशा इंदानी
---
निबंध स्पर्धेत क्रिशा इंदानी दुसरी
सकाळ वृत्तसेवा
संगमेश्वर, ता. १९ ः संगमेश्वर तालुका मराठी अध्यापक संघ आणि देवरुख शिक्षण विभाग आयोजित अभिवाचन आणि निबंध स्पर्धेत पैसा फंड इंग्लिश स्कूल संगमेश्वरच्या क्रिशा कपिल इंदानी हिने माध्यमिक गटात तालुकास्तरावर द्वितीय क्रमांक पटकावला आहे.
कळंबस्ते येथील गार्डी विद्यालयात मंगळवारी ही स्पर्धा झाली. यामध्ये क्रिशा इंदानी हिने संत ज्ञानेश्वर यांच्यावर निबंध लेखन केले होते. क्रिशाने या स्पर्धेत दुसरा क्रमांक मिळवला आहे. तिचे व्यापारी पैसा फंड संस्थेचे अध्यक्ष अनिल शेट्ये, उपाध्यक्ष किशोर पाथरे, सचिव धनंजय शेट्ये, सदस्य संदीप सुर्वे, रमेश झगडे, मुख्याध्यापक सचिन देव खामकर, पर्यवेक्षक प्रकाश दळवी आदींनी अभिनंदन केले आहे. क्रिशा इंदानी हिने यापूर्वी तालुका, जिल्हा आणि विभागीय कथाकथन, वक्तृत्व व निबंध अशा विविध स्पर्धेत उल्लेखनीय यश प्राप्त केलेले आहे. क्रिशाची आई अपर्णा दायमा या विज्ञान विषयाच्या पदवीधर शिक्षक म्हणून तांबेडी पूर्ण प्राथमिक शाळा येथे कार्यरत असून त्यांचेही क्रिशाला मार्गदर्शन मिळत असते.