जिल्हा परिषद सेस योजनेंतर्गत
गायी, म्हैशीसाठी ५० टक्के अनुदान
सकाळ वृत्तसेवा
राजापूर, ता. १७ः पशुसंवर्धन विभागामार्फत राबवण्यात येणाऱ्या जिल्हा परिषद सेस योजनेअंतर्गत ५० टक्के अनुदानावर दुधाळ गाय, सुधारित जातीची म्हैस पुरवठा करणे, शेळीगट या योजना राबवण्यात येत आहेत. या योजनेचा लाभ घेण्यासाठी अर्ज सादर करण्याची अंतिम मुदत ५ जानेवारी आहे. तालुक्यातील जास्तीत जास्त शेतकर्‍यांनी लाभ घ्यावा, असे आवाहन सहाय्यक पशुधन विकास अधिकारी डॉ. किनरे यांनी केले आहे.
जिल्हा परिषद सेस योजनेअंतर्गत ५० टक्के अनुदानावर दुधाळ गाय, सुधारित जातीची म्हैस पुरवठा करणे, ५० टक्के अनुदानावर शेळी गट ५ शेळ्या अधिक १ बोकड असे वाटप करणे, ९० टक्के अनुदानावर स्वच्छ गोठ्याकरिता रबरमॅट वाटप करणे या योजनांसाठी ऑफलाईन पद्धतीने अर्ज घेण्याची प्रक्रिया २०२५-२६ या वर्षात राबवली जात आहे. तालुक्यातील जास्तीत जास्त शेतकरी, सुशिक्षित बेरोजगार युवक-युवती व महिलांनी या योजनेचा लाभ घ्यावा, असे आवाहन डॉ. किनरे यांनी केले आहे.